Udako barnetegiak

Aspaldian hasi ginen Lazkaon udako ikastaroak ematen, izan ere, 1975ean antolatu zen I. UDAKO EUSKAL IKASTARO TRINKOA.

Gaur egun, jendartearen beharrak kontuan hartuta, 12 egunekoak, bi astekoak, izaten dira udako ikastaroak, asteburu bat barne delarik, egunean zortzi eskola-ordukoak. Hil bakoitzean bi ikastarotan parte hartzeko aukera izango duzu, zure oporrei zukua ateratzeko.

Uztailean, abuztuan eta irailean ditugu udako barnetegiak maila guztietan, egunean zortzi orduko erritmoan, 16 urtetik gorako ikasleentzat.

2024ko udako ikastaroetako matrikulazioa apirilaren 22an hasiko da.